گلگت بلتستان اسکاؤٹس نے نلتر میں ہونے والا چیئرمین جوائنٹ چیف آف اسٹاف کمیٹی الپائین اسکی کپ اپنے نام کر لیا۔
پی اے ایف اسکی ریزورٹ نلتر میں وقار جونیئر نے سلالم اور جائنٹ سلالم کیٹیگریز میں شاندار کاردگردگی کا مظاہرہ کیا۔ انہوں نے ایک طلائی اور ایک چاندی کا تمغہ اپنے نام کیا۔
سلالم کیٹیگری میں فضائیہ کے اولمپیئن محمد عباس نے اپنی صلاحیتوں کا لوہا منواتے ہوئے طلائی تمغہ جیتا۔ وقار جونیئر نے چاندی اور آرمی کے نور محمد نے کانسی کا تمغہ حاصل کیا۔
جائنٹ سلالم کیٹیگری میں گلگت بلتستان اسکاؤٹس کے وقار جونیئر نے طلائی، سجاد احمد نے چاندی اور وقار عظیم نے کانسی کے تمغے اپنے نام کئے۔
ٹورنامنٹ میں فضائیہ، آرمی، گلگت بلتستان اسکاؤٹس، سوات، پنجاب، بلوچستان، سندھ، اسلام آباد، آزاد جموں و کشمیر، ہائیر ایجوکیشن، سول ایوی ایشن اتھارٹی اور الپائن کلب کی ٹیموں نے شرکت کی۔