پاکستان پیپلزپارٹی کی رہنما سینیٹر شیری رحمٰن کا وزیر اعظم عمران خان اور مہنگائی سے متعلق کہنا ہے کہ وزیراعظم کا اپنی تنخواہ میں گزارہ نہیں ہوتا تو مہنگائی میں پسی عوام کیسے گزارہ کرے گی؟۔
شیری رحمٰن نے سماجی رابطے کی ویب سائٹ ٹوئٹر پر اپنے ایک بیان میں کہا ہے کہ بلوچستان کے ملازمین ایک ہفتے سے احتجاج کر رہے ہیں، مظاہروں کی وجہ صوبے کا پورے ملک سے رابطہ منقطع ہے۔
شیری رحمٰن نے حکومت پر تنقید کرتے ہوئے کہا ہے کہ تباہی سرکار کو کوئی پرواہ ہی نہیں۔
انہوں نے اپنی ٹوئٹ میں مزید لکھا ہے کہ حکومت عوام کی چیخ وپکار سننے کو تیار نہیں ہے۔