لاہور کے علاقے ڈیفنس فیز فائیو میں برطانوی نژاد لڑکی مائرہ کے قتل کے کیس کے ایک اور ملزم ظاہر جدون نے اسلام آباد ہائی کورٹ سے عبوری ضمانت حاصل کر لی، جبکہ پولیس نے مقتولہ کے کمرے سے منشیات برآمد کر لی۔
مائرہ کے قتل کے مقدمے کا دوسرے نامزد ملزم سعد امیر بھی ضمانت پر ہے۔
دونوں ملزمان مائرہ قتل کیس میں پولیس کو مطلوب تھے۔
ذرائع نے بتایا ہے کہ ملزم ظاہر جدون اور مائرہ لندن میں کلاس فیلو تھے۔
مائرہ لندن سے دبئی اور پھر ملازمت کے لیے لاہور منتقل ہوئی تھی۔
ذرائع نے یہ بھی انکشاف کیا ہے کہ مقتولہ مائرہ کے کمرے سے منشیات بھی ملی ہے۔