مسلم لیگ نون کے رہنما جاوید لطیف کا کہنا ہے کہ اپنی نہیں، ملک کی فکر ہے، نظام تباہ ہو گیا ہے۔
ریاست مخالف بیانات کے مقدمے میں گرفتار پاکستان مسلم لیگ نون کے رہنما جاوید لطیف نے ماڈل ٹائون کچہری عدالت میں پیشی کے موقع پر میڈیا سے غیر رسمی گفتگو بھی کی۔
انہوں نے کہا کہ مجھے اپنی فکر نہیں، ملک کی فکر ہے، ملک کا نظام تباہ ہو گیا ہے، آئے روز ٹرین حادثے ہو رہے ہیں، حکومت کسی چیز کی ذمے داری لینے کو تیار ہی نہیں۔