ایم کیو ایم کے سابق رہنما انیس ایڈووکیٹ نے ضمانت کے لیے کراچی کی انسدادِدہشت گردی کی عدالت سے رجوع کر لیا، عدالت نے ان کی عبوری ضمانت منظور کر لی۔
کراچی کی انسدادِدہشت گردی کی عدالت نے سابق ایم کیو ایم رہنما انیس ایڈووکیٹ کی 29 جون تک عبوری ضمانت منظور کی ہے۔
انسدادِدہشت گردی کی عدالت نے انیس ایڈووکیٹ کو ایک ایک لاکھ روپے کے ضمانتی مچلکے جمع کرانے کا حکم بھی دیا۔
پولیس کے مطابق انیس ایڈووکیٹ کے خلاف 4 مختلف مقدمات درج ہیں، ان پر ایم کیو ایم کے کارکنوں کو بھارت سے دہشت گردی کی تربیت دلوانے کا الزام ہے۔