اسلام آباد پولیس اور ملزمان درمیان فائرنگ کے تبادلے میں 2 اہلکار زخمی ہوگئے۔
اسلام آباد کے علاقے سیکٹر جی 11 کے ایک مکان میں ڈاکوؤں کی موجودگی کی اطلاع پر پولیس پہنچی، جس کے بعد پولیس اور ملزمان میں فائرنگ کا تبادلہ ہوا، ملزمان کی فائرنگ سے 2 اہلکار زخمی ہوگئے۔
ایس ایس پی کا کہنا ہے کہ مقابلے میں 2 پولیس اہلکار زخمی ہوئے ہیں جبکہ 3 ملزمان کو گرفتار کرلیا گیا اور ایک فرار ہوگیا۔
ایس ایس پی آپریشنز کے مطابق پولیس اور ایلیٹ فورس کی بھاری نفری موقع پر موجود ہے۔