اسلام آباد (خصوصی نامہ نگار) آزاد جموں و کشمیر قانون ساز اسمبلی کے حلقہ کوٹلی ایل اے بارہ چڑھوئی میں پیپلز پارٹی اور تحریک انصاف کے کارکنوں کے درمیان تصادم میں فائرنگ کے نتیجہ میں تحریک انصاف کے جاں بحق ہونیوالے کارکنوں چالیس سالہ ظہیر احمد اور پچاس سالہ محمد رمضان کی میتیں لیکر ان کے لواحقین پیر شام اسلام آباد پہنچ گئے۔ تاہم وفاقی وزیر علی امین گنڈا پور کی قاتل کو گرفتار کرنے اور متاثرہ خاندان کو انصاف فراہم کرنے کی یقین دہانی پر ورثاء مقتولین کی نعشیں کر لے وآپس آزاد کشمیر چلے گئے۔ آزاد کشمیر سے لاشیں لیکر آنے والے قافلے کو کھنہ پل روک دیا گیا تھا۔ چڑھوئی سے تحریک انصاف کے امیدوار شوکت فرید لاشوں اور لواحقین کو لیکر وزراء کالونی جانا چاہتے تھے۔ بعد ازاں شوکت فرید اور لواحقین وفاقی وزیر امور کشمیر علی امین گنڈا پور سے ملاقات کیلئے وزراء کالونی گئے۔