وزیراعظم عمران خان نے سابق سفیر کی صاحبزادی نور مقدم کے قتل کے کیس میں لواحقین کو انصاف دلانے کے عزم کا اظہار کیا ہے۔
عوام سے ٹیلیفونک گفتگو کے دوران نور مقدم کیس کے حوالے سے وزیراعظم نے اپنے جذبات کا اظہار کیا۔
انہوں نے کہا کہ قاتل چاہیے دہری شہریت والا ہو یا امریکی شہری ہو، اُسے سزا ضرور ملے گی۔
عمران خان نے مزید کہا کہ اسلام آباد میں نور مقدم کے قتل نے ہم سب کو ہلادیا ہے۔
اُن کا کہنا تھا کہ افغان سفیر کی بیٹی کا کیس میں نے اسی طرح فالو کیا جیسے وہ میری اپنی بیٹی ہو۔