• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پلوسی روڈ پر سٹریٹ لائٹس کو فعال کرنے کا مطالبہ

میرا شہر
پشاور
04 اگست ، 2021
پشاور(وقائع نگار) راحت آباد اور ملحقہ علاقوں کے رہائشیوں نے پشاور ڈیویلپمنٹ اتھارٹی سے مطالبہ کیا ہے کہ پلوسئی روڈ پرسٹریٹ لائٹس کو فعال کیا جائے۔ انتظامیہ نے ایک سال قبل پولز اور لائٹس نصب کرتے ہوئے بجلی فراہم کر دی ہے لیکن رات کے وقت لائٹس جلتی نہیں۔ لوگوں کا کہنا ہے کہ شام ڈھلتے ہی روڈ تاریکی میں ڈوب جاتا ہے جس سے حادثات کا خدشہ بڑھ جاتا ہے۔ راحت آباد کے رہائشیوں کا کہنا ہے کہ لائٹس نصب کرنے کا مقصد گزرنے والوں کو سہولت اور تحفظ فراہم کرنا تھا لیکن عوامی ٹیکس کی رقم خرچ کرنے کے باوجود مقصد حاصل نہیں ہوا۔ لوگوں کا کہنا ہے کہ چڑیا گھر کے قیام کے بعد روڈ پر ٹریفک کا رش چار گنا بڑھ گیا ہے رات گئے تک گاڑیوں کی آمدورفت جاری رہتی ہے، روڈ کے ساتھ تین یونیورسٹیاں واقع ہیں جبکہ یہ بہت سے علاقوں کو شہر سے جوڑتا ہے۔ یونیورسٹی کے ایک طالب علم محمد عامر نے کہا کہ لائٹس جلاتی کیوں نہیں جاتیں حالانکہ بل بورڈز اور لائٹس سے پی ڈی اے کوکثیر آمدن ہو رہی ہے۔ لوگوں نے مطالبہ کیا ہے کہ لائٹس فعال بنائی جائیں۔
تازہ ترین