پیپلز پارٹی کی مرکزی رہنما سینیٹر شیری رحمٰن نے کہا ہے کہ ملکی تاریخ میں پہلی بار صحافیوں کے لیے پارلیمان کی پریس گیلری بند کی گئی ہے۔
اسلام آباد میں میڈیا سے گفتگو میں شیری رحمٰن نے کہا کہ پارلیمان کی پریس گیلری کبھی مارشل لا میں بھی بند نہیں ہوئی۔
انہوں نے استفسار کیا کہ صحافیوں کی پریس گیلری جانے پر پابندی کس بنیاد پر لگائی جارہی ہے؟، تباہی سرکار کو صحافیوں سے کیا خطرہ ہے؟
پی پی سینیٹر نے مزید کہا کہ اسپیکر قومی اسمبلی کے فیصلے کی مذمت کرتے ہیں، پہلے ہی صحافی پارلیمان کے باہر احتجاج کر رہے ہیں۔