ملک بھر میں جہاں جہاں کورونا کی شدت کے باعث تعلیمی اداروں کو بند کرنے کا فیصلہ کیا گیا تھا اب انہیں 16 ستمبر سے کھولنے کا اعلان کردیا گیا ہے۔
وفاقی وزیر تعلیم شفقت محمود نے ٹوئٹر پر جاری بیان میں اپنے ایک حالیہ بیان میں لکھا کہ مجھے یہ اعلان کرتے ہوئے بہت خوشی ہورہی ہے کہ ملک بھر میں جہاں جہاں بھی تعلیمی ادارے بند تھے اب انہیں کھول دیا جائے گا۔
انہوں نے لکھا کہ 16 ستمبر سے تمام تعلیمی ادارے کھولنے کا فیصلہ کیا گیا ہے۔
واضح رہے کہ وفاقی دارالحکومت اسلام آباد، پنجاب اور خیبرپختونخوا کے کورونا سے متاثرہ 24 اضلاع میں تعلیمی ادارے 15 ستمبر تک بند کیے گئے تھے۔