ویزا آتے ہی عمرشریف 24 سے 36 گھنٹوں میں سفر کرسکیں گے، مرتضی وہاب

September 15, 2021

ایڈمنسٹریٹر کراچی بیرسٹر مرتضیٰ وہاب کا کہنا ہے کہ عمر شریف ویزا آتے ہی 24 سے 36 گھنٹوں میں سفر کرسکیں گے۔

آرٹس کونسل کراچی میں پیپلزپارٹی کے رہنماؤں نے جواد عمر شریف کے ساتھ پریس کانفرنس کی۔

آرٹس کونسل کے صدر احمد شاہ نے کہا کہ مرتضی وہاب نے کہا کہ ہم نے اپنے حصے کا کام کردیا، اکبر لیاقت علی کی فیملی سے بھی میرا رابطہ تھا، سندھ حکومت نے ان کے تاحیات علاج کا فیصلہ کیا۔

اس موقع پر مرتضی وہاب نے کہا کہ جیسے ہی ویزا آئے گا عمرشریف 24 سے 36 گھنٹوں میں سفر کرسکیں گے۔

اس موقع پر سردارشاہ نے کہا کہ بہت سے آرٹسٹ نادار، بیروزگار ہیں ہم نے ان کو سپورٹ کرنے کی کوشش کی۔