کراچی کے علاقے کریم آباد کے پل پر پیش آنے والے ٹریفک حادثے کے نتیجے میں 1 نوجوان جاں بحق جبکہ 2 زخمی ہو گئے۔
جاں بحق اور زخمی نوجوان دوست تھے جن کی عمریں 18 سال سے کم تھیں۔
ریسکیو ذرائع کے مطابق کریم آباد پل پر 3 موٹر سائیکلیں آپس میں ٹکرا گئیں، حادثے کے نتیجے میں 1 نوجوان جاں بحق، 2 زخمی ہوئے ہیں۔
جاں بحق نوجوان کی شناخت ابوبکر کے نام سے ہوئی جبکہ زخمیوں میں مہزاب اور شعیب شامل ہیں۔
تینوں نوجوانوں کی عمریں 18 سال سے کم ہیں اور تینوں لائنز ایریا اے بی سینیا لائن کے رہائشی ہیں۔
یہ نوجوان گلبرگ چائے پینے کے لیے جا رہے تھے کہ حادثے کا شکار ہو گئے۔
جاں بحق نوجوان کی لاش اور زخمیوں کو عباسی شہید اسپتال منتقل کیا گیا ہے۔