بھارتی کرکٹ ٹیم کے کپتان ویرات کوہلی نے متحدہ عرب امارات میں جاری انڈین پریمیئر لیگ( آئی پی ایل) کے رواں سیزن کے بعد اپنی ٹیم رائل چیلنجرز بنگلور (آر سی بی) کی کپتانی چھوڑنے کا اعلان کردیا۔
رائل چیلنجرز بنگلور کے ٹوئٹر اکاؤنٹ سے ویرات کوہلی کا ایک ویڈیو پیغام شیئر کیا گیا جس میں انہوں نے آر سی بی کی کپتانی چھوڑنے کا اعلان کیا۔
انہوں نے کہا کہ وہ آئی پی ایل کے آئندہ ایڈیشن کیلئے اپنی ٹیم رائل چیلنجرز بنگلور کے کپتان کے عہدے سے سبکدوش ہو رہے ہیں۔
ویرات کوہلی نے ایک ویڈیو پیغام میں فرنچائز کا اُن پر اعتماد کرنے کے لیے شکریہ بھی ادا کیا۔
32 سالہ ویرات کوہلی نے حال ہی میں ٹی ٹوئنٹی ورلڈکپ2021 کے بعد ٹی ٹوئنٹی کی کپتانی چھوڑنےکا بھی اعلان کیا تھا۔