سینیٹر عرفان صدیقی نے وفاقی حکومت سے دوسرے ممالک سے ملنے والے تحائف کی تفصیل مانگ لی، لیگی سینیٹر نے سوال کیا کہ توشہ خانہ تحائف سے ریاست کو کل کتنی رقم موصول ہوئی، توشہ خانہ تحائف پر اصل متعین قیمت پر کتنی رعایت دی گئی۔
عرفان صدیقی نے کہا کہ پارلیمنٹرینز کو بھی سوال پوچھنے کے حق سے محروم کیا جارہا ہے، ریاست مدینہ کی مثالیں دینے والے وزیراعظم کا رویہ افسوسناک ہے۔
انہوں نے کہا کہ دیکھتے ہیں سینیٹ میں اس سوال کا جواب ملتا ہے یا نہیں۔
اس سے پہلے وفاقی حکومت نے وزیراعظم کے تحائف کی تفصیل دینے سے انکار کردیا تھا۔
کابینہ ڈویژن نے انفارمیشن کمیشن آف پاکستان کا حکم اسلام آباد ہائی کورٹ میں چیلنج کیا ہے۔