مشیر خارجہ سرتاج عزیز نے امریکی وفد کو پاکستان کے تحفظات سے آگاہ کرتے ہوئے بتایا کہ پاکستان نے ہمیشہ دہشت گردی کے خلاف جنگ میں امریکا کا ساتھ دیاہے تاہم بلوچستان میں امریکی ڈرون حملے سے پاکستان کے اعتماد کو ٹھیس پہنچی ہے۔
سرتاج عزیز نے بتایا کہ بھارتی خفیہ ایجنسی ’را‘ کراچی،بلوچستان، فاٹا میں دہشت گرد کارروائیوں میں ملوث ہے۔ ملاقات میں بھارتی مداخلت کے ثبوت امریکی وفد کو دکھائے گئے۔
دفتر خارجہ میں اوباما کے مشیر کی قیادت میں پانچ رکنی امریکی وفد کی آج سرتاج عزیز سے ملاقات ہوئی ۔ ملاقات میں طارق فاطمی بھی موجود تھے ۔
ذرائع کے مطابق ملاقات میں پاکستان نے نیوکلیئر سپلائر گروپ میں شمولیت کیلئےامریکا کی جانب سے بھارت کی حمایت پرتخفظات کا بھی اظہارکیا۔
ذرائع نے بتایا کہ ملاقات میں پاکستان نے گرفتاربھارتی ایجنٹ کلبھوشن یادیو کا اعترافی بیان بھی دکھایا گیا اور امریکی وفد کو بتایا گیا کہ ’را‘ کراچی، بلوچستان، فاٹا میں دہشت گرد کارروائیوں میں ملوث ہے۔
پاکستان کی جانب سے وفد کوبتایا گیا کہ این ایس جی میں صرف بھارت کی رکنیت سے خطے میں عدم استحکام پیدا ہوگا۔
ملاقات میں پاکستان کا موقف تھا کہ امریکا بھارت سےقریب ہورہاہے۔
پاکستان کا کہنا تھا کہ ہماری سیکورٹی کا بھی خیال رکھا جائے۔