لاہور: آئی جی پنجاب کا آر پی اوز کانفرنس سے خطاب

آئی جی پنجاب مشتاق سکھیرا نے میلاد النبی کے اجتماعات کی سیکورٹی کا جامع پلان بنانے کا حکم دے دیا ہے۔

لاہور میں ریجنل پولیس افسران سے خطاب کرتے ہوئے آئی جی پنجاب نے ہدایت کی کہ عید میلاد النبی کے اجتماعات کو فول پروف سکیورٹی فراہم کی جائے۔

عادی مجرمان کے خلاف کریک ڈاؤن کیا جائے، ٹریفک نظام بہتر بنانے کیلئے، کم سن اور نابالغ ڈرائیوروں کے خلاف سخت کاروائی کی جائے۔

انھوں نے مزید کہا کہ کلرک اور ٹاؤٹ مافیا کی حوصلہ شکنی کی جائے۔ ایلیٹ اسکواڈ کو غیر ضروری پروٹوکول کیلئے ہرگز استعمال نہ ہونے دیا جائے۔

آئی جی پنجاب نے حکم دیا کہ یکم جنوری سے تمام تھانوں میں ایف آئی آر اور روزنامچے کا اندراج بذریعہ کمپیوٹر کیا جائے۔