امریکا کے وفاقی تحقیقاتی ادارے ایف بی آئی نے قانون نافذ کرنے والے ملکی اداروں سے کہا ہے کہ داعش کے حاميوں کی جانب سے کرسمس کی چھٹيوں کے موقع پر ممکنہ حملوں کا خطرہ ہے۔
ايف بی آئی کے مطابق دہشت گرد تنظيم نے اپنے حاميوں سے کہا ہے کہ وہ اجتماعات اور گرجا گھروں کو نشانہ بنائیں۔ یہ تنبيہ امریکا کے گرجا گھروں کی ايک فہرست داعش کی حامی ويب سائٹس پر شائع ہونے کے تناظر ميں جاری کی گئی ہے۔ يہ بھی کہا گيا ہے کہ کسی ٹھوس اور مخصوص حملے کے شواہد نہيں ہيں تاہم احتياط لازمی ہے۔
واضح رہے کہ برلن میں کرسمس مارکیٹ پر ٹرک حملے کے بعد یورپ سمیت کئی ممالک میں سیکورٹی ہائی الرٹ کردی گئی ہے ۔
گزشتہ دنوں آسٹریلیا اور انڈونیشیا میں بھی کرسمس کے موقع پر دہشتگردی کے منصوبے ناکام بنانے کے دعوےسامنے آئے تھے ۔