شدید برف باری سے کوئٹہ کراچی شاہراہ پر منگوچر اور کھڈ کوچہ کے درمیان کئی گاڑیاں پھنسیں تو جیو نیوز نے برف میں پھنسے افراد میں سے ایک خاتون مسز امتیاز سے رابطہ کرکے ان کی گفتگو نشر کی، معاملہ جیو نیوز پر آنے کے بعد شاہراہ کو کلیئر کر کے راستہ کھول دیا گیا۔
بلوچستان میں کئی برس بعد ہوئی زبردست قسم کی برف باری، ایسے میں کئی شاہراہیں برف پڑنے سے بند ہوئیں جب کہ کئی سڑکوں پر برف باری سے مسافروں کو مشکلات کا سامنا کرنا پڑا۔
کوئٹہ کراچی شاہ راہ پر منگوچر اور کھڈ کوچہ کے درمیان متعدد گاڑیاں پھنس گئیں، جیو نیوز کے رابطہ کرنے پر ایک خاتون مسز امتیاز نے بتایا کہ مسافر سردی سے ٹھٹھر رہے ہیں اور علاقے میں کھانے پینے کی اشیاء بھی دستیاب نہیں۔
دو گھنٹے بعد جیو نیوز نے اس خاتون سے دوبارہ رابطہ کیا تو اس نے بتایا کہ خبر جیو نیوز پر نشر ہونے کے بعد سڑک پر ٹریفک بحال کرا دی گئی ہے۔