ملائیشیا کے وزیر اعظم نجیب رزاق نے کہا ہے کہ امریکی، عرب اور مسلم ممالک کے مابین ایک نئی اسٹراٹیجک شراکت داری کے قیام کا مقصد صرف فوجی شراکت داری نہیں ہے بلکہ پروگرام کے زریعے دہشت گردی اور انتہا پسندی کے خلاف توجہ مرکوز کرنا ہوگی ۔
انہوں نے کہا کہ ایران ہمسایہ ممالک کے داخلی امور میں مداخلت نہ کرے ،یہ نہ صرف علاقائی استحکام کے لئے بلکہ مسلم امہ کے اتحاد کے لئے بھی بہتر ہو گا ۔
ملائیشیائی وزیراعظم نے شاہ سلمان کی سربراہی میں کانفرنس کے انعقاد پر سعودی عرب اور امریکی صدر ٹرمپ کو مبارکباد پیش کی ۔ انھوں نے امریکاکا مسلم ممالک کے ساتھ دہشت گردی اورعسکریت پسندی کے خلاف نئی اسٹراٹیجک شراکت داری پر بھی شکریہ ادا کیا۔