معروف گلوکارہ حمیرا ارشد اور ان کے شوہر احمد بٹ کے درمیان ہونے والے جھگڑے کے بعد گرفتار احمد بٹ اور حمیرا ارشد کے بھائیوں کی ضمانت مقامی عدالت نے منظور کرلی ہے۔ احمد بٹ کا کہنا ہے کہ حمیرا بیٹے کو گلوکار جبکہ وہ ڈاکٹر بنانا چاہتے ہیں ۔
گلوکارہ حمیرا ارشد اور اس کے شوہر میں گزشتہ رات چوتھی بار لڑائی ہوئی اور دونوں نے ایک دوسرے پر سنگین الزامات لگائے۔
پولیس نے جھگڑا کرنے کے الزام میں حمیرا ارشد کے بھائیوں اور احمد بٹ کو ان کے بھائی سمیت رات بھر حوالات میں بند رکھا ،صبح جب انہیں مقامی مجسٹریٹ کی عدالت میں پیش کیا گیا تو دونوں نے عدالت کو بتایا کہ ان کی صلح ہوگئی ہے جس پر عدالت نے ان کی ضمانت منظور کرلی اور انہیں رہا کردیا گیا ۔
دوسری جانب حمیرا ارشد کا کہنا تھا کہ احمد بٹ نے مکان اپنے نام کرانے کا مطالبہ کیا۔ اس کی بدلے میں 6 سال کا بیٹا ان کے پاس رہنا تھا۔ جب مکان کے ملکیتی کاغذات پر دستخط کر دئیے تو احمد بیٹے کی حوالگی سے انکاری ہو گیا، جس پر جھگڑا ہوا۔