پنجاب فوڈ اتھارٹی کی ٹیموں نے صوبے بھر میں معیار چیک کرکے 12 سو 40 لیٹرمضر صحت دودھ تلف کر دیا ۔
لاہور شہر کے داخلی راستے گجومتہ پر ڈی جی پنجاب فوڈ اتھارٹی نور الامین مینگل کی سربراہی میں ناکہ لگا کر شہر میں دودھ لانے والی گاڑیوں کی چیکنگ کی گئی،کارروائی میں 7 ہزارلیٹر سے زائد دودھ چیک کیا گیا ۔
دودھ میں ملاوٹ کے تمام ٹیسٹ موقع پر کیے گئے۔دودھ میں زیادہ تر پانی اور گاڑھا کرنے والے کیمیکلز کی ملاوٹ پائی گئی جس پر12 سو 40 لیٹر دودھ ناقص معیار ثابت ہونے پرتلف کر دیا گیا۔