گوادر میں دہشت گردی کا شکار 7 افراد کی لاشیں خانیوال پہنچا دی گئیں

گوادر میں دہشت گردی کا نشانہ بننے والے 7 محنت کشوں کی لاشیں خانیوال پہنچا دی گئیں۔

لاشیں ایدھی فاؤنڈیشن کے بڑے کنٹینر کے ذریعے پہنچائی گئیں، ضلعی انتظامیہ اور پولیس نے لاشیں شام کوٹ انٹر چینج پر وصول کیں۔

مقتولین کے اہل خانہ بھی اپنے پیاروں کی لاشیں لینے پہنچے، لاشیں دیکھ کر اہلخانہ غم سے نڈھال ہوگئے۔

گوادر: دہشتگردوں کی فائرنگ، سوئے ہوئے 7 افراد جاں بحق

گوادر کے علاقے سربندر میں نامعلوم دہشت گردوں نے فائرنگ کر دی جس کے نتیجے میں کوارٹر میں سوئے ہوئے 7 افراد جاں بحق ہو گئے جبکہ 1 شخص زخمی ہوا ہے۔

یاد رہے کہ گزشتہ روز گوادر کے علاقے سربندر میں نامعلوم دہشت گردوں کی فائرنگ سے  کوارٹر میں سوئے ہوئے 7 افراد جاں بحق اور  ایک زخمی ہوا تھا، جاں بحق و زخمی افراد سربندر میں حجام کی دکان میں کام کرتے تھے۔

پولیس کا کہنا تھا کہ جاں بحق اور زخمی افراد کا تعلق پنجاب کے ضلع خانیوال سے تھا۔