عمران خان کے خلاف غیر ملکی فنڈنگ اور اثاثے چھپانے سے متعلق نااہلی درخواستوں کی سماعت آج سپریم کورٹ میں ہوگی ۔
حنیف عباسی کی جانب سے دائر کردہ ان درخواستوں کی سماعت جسٹس میاں ثاقب نثار، جسٹس عمر عطا بندیال اور جسٹس فیصل عرب پر مشتمل تین رکنی بنچ سماعت کرے گا، جبکہ اس کیس میں عمران خان نے اضافی دستاویزات بھی جمع کرادی ہیں۔
دستاویزات میں راشد علی خان اور جمائما خان کی بینک اسٹیٹمنٹ اور نیازی سروسز کی بینک اسٹیٹمنٹ جمع کرائی گئی ہیں۔
درخواست میں کہا گیا ہے کہ جمائما اور عمران خان کے درمیان رقوم کا معاملہ میاں بیوی کے درمیان ہوا تھا اس لیے کاغذات نامزدگی میں ظاہر نہیں کیا گیا۔