برازیل کےدارالحکومت برازیلیا میں ایک انوکھا خاندان ہے جس کے ہر فردکے ہاتھ اور پیروں میں چھ چھ انگلیاں ہیں۔ یہ فیملی اپنے شہر میں ’دی فیملی آف سکس‘ کے نام سے مشہور ہے۔
برازیلیا میں مقیم ’ڈی سلوا‘ نامی14 افراد پر مشتمل ایک خاندان ہے جس کے ہر فرد کی پیدائشی طور پر کل 24 انگلیاں ہیں۔ اس خاندان کی سب سے بڑی بات یہ ہے کہ وہ کسی احساس کم تری کا شکار نہیں بلکہ ان کو اس پر فخر ہے۔
تحقیق کے مطابق جن افراد کی اضافی انگلیاں ہوتی ہیں وہ کوئی بھی کام صحیح طریقے سے نہیں کر پاتے لیکن اس خاندان کی بات ہی نرالی ہے ان کا ایک بیٹا ’جواؤ اسیس‘ گول کیپر جبکہ ان کی بیٹی’ماریہ مورینا‘ پیانو بجانے میں ماہر ہے۔
اس خاندان کی ایک خاتون نے میڈیا سے بات کرتے ہوئے کہا کہ ’ہمارے لیے کبھی بھی چھ انگلیاں مسئلہ کا باعث نہیں بنیں بلکہ ہمیں اچھا لگتا ہے۔‘
اسی حوالے سے 7 سالہ بچے کا کہنا تھا کہ چھ انگلیوں کا سب سے بڑا فائدہ یہ ہے کہ ایک وقت میں کافی چیزیں اٹھائی جا سکتی ہیں۔