شاہد کپور نے پدماوتی کے بعد نئی فلم کی تیاریاں شروع کردیں

بالی ووڈ اداکار شاہد کپور نے فلم پدماوتی کے بعد نئی فلم کی تیاریاں شروع کردی ہیں جس کا اعلان انہوں نے دیوالی کے موقع پر اپنے ٹوئٹر اکاؤنٹ پر کیا۔

بھارتی میڈیا رپورٹس کے مطابق شاہد کپور شری ناراین کی ہدایت کاری میں بننے والی فلم 'بتی گُل میٹر چالو میں مرکزی کردار ادا کرتے نظر آئیں گے تاہم فی الحال ابھی مزید کاسٹ کا اعلان نہیں کیا گیا ہے۔

اس فلم میں شاہد کپور ایک وکیل کا کردار ادا کر رہے ہیں جبکہ اس فلم کی کہانی ایک ایسے شخص کے گرد گھومتی نظر آتی ہے جو پاور ڈسٹریبیوشن کمپنیوں کے خلاف اپنی آواز اٹھاتا ہے۔

فلم کی شوٹنگ کا آغاز جلد ہی کردیا جائیگا جبکہ یہ فلم اگلے سال سنیما گھروں کی زینت بنے گی۔