ٹیکسلا: پولیس پر حملہ کرنیوالا ملزم اپنے ہی ساتھیوں کی فائرنگ سے ہلاک

پنجاب کے ضلع راولپنڈی کی تحصیل ٹیکسلا کے علاقے میں 3 موٹر سائیکل سوار ملزمان نے پولیس کی ٹیم پر فائرنگ کر دی۔

راولپنڈی پولیس نے دعویٰ کیا ہے کہ فائرنگ کے دوران 1 ملزم اپنے ہی ساتھیوں کی فائرنگ سے ہلاک ہو گیا۔

پولیس کے مطابق پولیس نے مشکوک موٹر سائیکل سواروں کو رکنے کا اشارہ کیا تو ملزمان نے پولیس پر فائرنگ کر دی۔

ترجمان پولیس کے مطابق ملزم کے دیگر ساتھیوں کی گرفتاری کے لیے تلاش جاری ہے۔