شمالی روس میں درجہ حرارت نقطہ انجماد سے اڑسٹھ درجے نیچے گر گیا

شمالی روس کے علاقے سائبیریا میں درجہ حرارت نقطہ انجماد سے اڑسٹھ ڈگری نیچے تک گر گیا ہے ، گزشتہ روزیہ پینسٹھ درجہ تک ریکارڈ کیا گیا تھا۔

خبر ایجنسی کے مطابق روس کے مشرق بعید کے علاقوں میں بھی سردی کی شدت جاری ہے، جبکہ سائبیریا میں جمعرات کو درجہ حرارت منفی اڑسٹھ ریکارڈ کیا گیا۔بدھ کے روز درجہ حرارت منفی پینسٹھ تک جانے پر علاقے کے اسکولوں کو بند کر دیا گیا تھا۔

دریں اثنا حکام نے لوگوں کو گرم کپڑوں کے استعمال اور غیر ضروری طورپر گھروں سے باہر نہ نکلنے کی ہدایت کی ہے، برفباری اور سردی کی شدت پورے مہینے جاری رہنے کا امکان ظاہر کیا گیا ہے۔