نائیجر میں بوکوحرام کا حملہ، پانچ فوجیوں سمیت چھ افراد ہلاک

افریقی ملک نائیجر میں بوکوحرام کےشدت پسندوں نے سرحدی قصبے پر حملہ کردیا جس کے نتیجے میں پانچ فوجیوں سمیت چھ افراد ہلاک ہوگئے۔

نائیجر حکام کے مطابق جنوبی حصے میں نائیجیریا کی سرحد سے متصل تومور ٹاؤن پر شدت پسند گروپ بوکوحرام کے درجنوں جنگجوؤں نے دھاوا بول کر فوجی کیمپ کو نشانہ بنایا۔

کہا جارہا ہے کہ جنگجو کم از کم دس بکتر بند اور فوجی گاڑیوں پر سوار تھے ،یہ گاڑیاں گزشتہ حملوں کے دوران چوری کی گئی تھیں، حملے میں ہلاک ہونے والوں میں پانچ فوجی اور ایک شہری شامل ہیں۔

حملے میں جبکہ 20 سے زائد افراد زخمی ہوئے۔ مقامی اخبار نے دعویٰ کیا ہے کہ حملے میں نائیجر فوج کے 7 اہلکار اور 25 دیگر زخمی ہوئے ہیں۔