ویڈیو: کوہلی اور شاستری کے گلے ملنے کے جذباتی مناظر

آئی سی سی مینز ٹی ٹوئنٹی ورلڈ کپ سے باہر ہونے والی بھارتی کرکٹ ٹیم کے کپتان ویرات کوہلی اور کوچ روی شاستری کے آخری میچ میں گلے ملنے کے جذباتی مناظر سوشل میڈیا پر وائرل ہوگئے۔

انٹرنیشنل کرکٹ کونسل (آئی سی سی) کی جانب سے گزشتہ روز ہونے والے بھارت اور نمیبیا کے میچ کے بعد کی ویڈیو شیئر کی گئی ہے۔

انسٹاگرام پر شیئر کی گئی ویڈیو میچ ختم ہونے کے بعد بنائی گئی جس میں فاتح ٹیم یعنی بھارت کے کھلاڑیوں اور کوچز کو آپس میں گلے ملتے ہوئے دیکھا جاسکتا ہے۔

ویڈیو میں دیکھا جاسکتا ہے کہ روی شاستری نے سب سے پہلے ویرات کوہلی کو گلے سے لگایا اور پھر ٹیم کے دیگر کھلاڑیوں سے ہاتھ اور گلے ملے۔

ورلڈ کپ سے باہر ہونے کے بعد ویرات کوہلی کا پہلا ٹوئٹ

آئی سی سی مینز ٹی ٹوئنٹی ورلڈ کپ سے باہر ہونے کے بعد بھارتی کرکٹ ٹیم کے کپتان ویرات کوہلی کا پہلا ٹوئٹ سامنے آگیا ہے۔

کیمرے نے روی شاستری کے چہرے پر فوکس کیا جس کے بعد اندازہ لگایا جاسکتا ہے کہ وہ بھارت کے ٹی ٹوئنٹی ورلڈ کپ سے باہر ہونے پر کافی مایوس ہیں۔

یہ میچ ویرات کوہلی کے لیے ٹی ٹوئنٹی میں بطور کپتان آخری میچ تھا جبکہ روی شاستری کے لیے بھی بطور کوچ آخری ایونٹ تھا، یہی وجہ ہے کہ بھارتی شائقین بھی ویرات کوہلی اور روی شاستری کو گلے ملتا دیکھ کر جذباتی ہوگئے۔

یہاں بھارتی شائقینِ کرکٹ کے سوشل میڈیا پیغامات پر ایک نظر ڈالیں:

واضح رہے کہ پہلے میچ میں پاکستان کے ہاتھوں عبرتناک شکست سے دوچار ہوئی بھارتی ٹیم نے آئی سی سی مینز ٹی ٹوئنٹی ورلڈکپ 2021ء میں اپنے آخری گروپ میچ میں نمیبیا کو 9 وکٹوں سے ہرا کر ایونٹ کا اختتام جیت پر کر دیا۔

روی شاستری ICC پر پھٹ پڑے

بھارتی کرکٹ ٹیم کے کوچ روی شاستری نے کہا ہے کہ آئی پی ایل کی وجہ سے بھارتی کھلاڑی ذہنی طور پر تھکے ہوئے تھے لہٰذا دنیا بھر کے کرکٹ بورڈز اور انٹرنیشنل کرکٹ کونسل (آئی سی سی) کو اس پر غور کرنے کی ضرورت ہے کیونکہ کھلاڑی پیٹرول پر نہیں چلتے ہیں۔

بھارتی ٹیم پہلے ہی ایونٹ سے آؤٹ ہوچکی تھی اور گزشتہ روز اپنا آخری گروپ میچ کھیلنے کے بعد وطن روانہ ہوجائے گی۔