روی شاستری ICC پر پھٹ پڑے

بھارتی کرکٹ ٹیم کے کوچ روی شاستری نے کہا ہے کہ آئی پی ایل کی وجہ سے بھارتی کھلاڑی ذہنی طور پر تھکے ہوئے تھے لہٰذا دنیا بھر کے کرکٹ بورڈز اور انٹرنیشنل کرکٹ کونسل (آئی سی سی) کو اس پر غور کرنے کی ضرورت ہے کیونکہ کھلاڑی پیٹرول پر نہیں چلتے۔

بھارتی میڈیا رپورٹس کے مطابق روی شاستری نے اپنے بیان میں کہا ہے کہ 2021 کے ٹی ٹوئنٹی ورلڈ کپ میں بھارتی ٹیم کی خراب کارکردگی جزوی طور پر ایک توسیع شدہ بائیو سیکیور ببل کی وجہ سے تھکن کی وجہ سے ہے۔

روی شاستری نے کہا کہ ’ہم گزشتہ چھ ماہ سے بائیو سیکیور ببل میں رہ رہے ہیں، ہم آئی پی ایل اور ورلڈ کپ کے درمیان ایک بڑا فرق پسند کریں گے، کھلاڑی انسان ہیں کوئی گاڑی نہیں کہ جسے پیٹرول پر چلایا جائے۔‘

ورلڈ کپ سے باہر ہونے کے بعد ویرات کوہلی کا پہلا ٹوئٹ

آئی سی سی مینز ٹی ٹوئنٹی ورلڈ کپ سے باہر ہونے کے بعد بھارتی کرکٹ ٹیم کے کپتان ویرات کوہلی کا پہلا ٹوئٹ سامنے آگیا ہے۔

انہوں نے مزید کہا کہ ’میں ذہنی طور پر تھکا ہوا ہوں اور میں اپنی عمر میں اس کی توقع کرتا ہوں لیکن نوجوان کرکٹرز کو ذہنی اور جسمانی تھکاوٹ سے صحتیاب ہونے کے لیے آرام کی ضرورت ہے۔‘

روی شاستری نے اصرار کیا کہ موجودہ بھارتی ٹیم ایک ’جیتنے والی ٹیم‘ ہے اور کھلاڑیوں کی ذہنی صحت پر توجہ نہ دینا اُن کی ترقی کو روک سکتا ہے۔

اُنہوں نے یہ بھی کہا کہ ’تمام کرکٹ بورڈز اور آئی سی سی کو یہ سوچنے کی ضرورت ہے کہ وہ کھلاڑیوں کی ذہنی تھکاوٹ کو کس طرح سنبھالیں گے کیونکہ کچھ عرصے بعد، آپ دیکھیں گے کہ کھلاڑی مستقبل کی سیریز سے باہر ہونا شروع ہوجائیں گے۔‘

بھارت T20 ورلڈ کپ سے باہر: کپل دیو کھلاڑیوں پر برس پڑے

آئی سی سی مینز ٹی ٹوئنٹی ورلڈ کی دوڑ سے باہر ہونے پر سابق بھارتی کپتان کپل دیو نے بھارتی ٹیم کو آڑے ہاتھوں لے لیا۔

روی شاستری نے مزید کہا کہ ’بھارتی ٹیم ایک فاتح ٹیم ہے لہٰذا آئی سی سی اس مسئلے پر لازمی توجہ دے۔‘

واضح رہے کہ پہلے میچ میں پاکستان کے ہاتھوں عبرتناک شکست سے دوچار ہونے ہوئی بھارتی ٹیم نے آئی سی سی مینز ٹی ٹوئنٹی ورلڈکپ 2021ء میں اپنے آخری گروپ میچ میں نمیبیا کو 9 وکٹوں سے ہرا کر ایونٹ کا اختتام جیت پر کر دیا۔

بھارتی ٹیم پہلے ہی ایونٹ سے آؤٹ ہوچکی تھی اور گزشتہ روز اپنا آخری گروپ میچ کھیلنے کے بعد وطن روانہ ہوجائے گی۔