فرمان الہی
نماز کے اوقات
کراچی ( اسٹاف رپورٹر)سول ایوی ایشن اتھارٹی کی تقسیم کا نوٹی فیکشن جاری ، پاکستان ایئرپورٹ اتھارٹی اور سول ایوی ایشن اتھارٹی اب الگ الگ ادارے ہونگے ۔تفصیلات کے وفاقی حکومت نے مطابق سول ایوی ایشن اتھارٹی کی دو حصوں میں تقسیم سے متعلق نوٹیفیکیشن جاری کر دیا ہے ، جس کے بعد سول ایوی ایشن اتھارٹی اور پاکستان ایرپورٹ اتھارٹی کا باقاعدہ قیام عمل میں آگیا ہے۔ ڈپٹی سیکرٹری کیبنٹ ڈویژن کے دستخط سے جاری نوٹیفیکشن کے مطابق خاقان مرتضی کو بطور ڈی جی سی اے اے کام جاری رکھنے کی ہدایت کی گئی ہے جبکہ خاقان مرتضی کو ڈی جی پاکستان ایرپورٹ اتھارٹی کا اضافی چارج بھی دے دیا گیا ہے۔نوٹیفکیشن کے مطابق خاقان مرتضی کو ڈی جی پاکستان ایرپورٹ اتھارٹی کا چارج ابتدائی طور پر 3 ماہ کے لئے دیا گیا ہے۔خاقان مرتضی کے پاس ڈی جی ایرپورٹ اتھارٹی کا اضافی چارج نئے ڈی جی کی تعیناتی تک رہ سکتا ہے ۔
