• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

زرداری کی درخواستِ بریت، نیب تحریری جواب پیش نہ کر سکا

احتساب عدالت اسلام آباد میں ٹھٹھہ واٹر سپلائی ریفرنس کی سماعت کے دوران قومی احتساب بیورو (نیب) آصف علی زرداری کی بریت کی درخواست پر تحریری جواب پیش نہ کر سکا۔

احتساب عدالت اسلام آباد کے جج اعظم خان نے سابق صدر آصف علی زرداری کے خلاف ٹھٹھہ واٹر سپلائی ریفرنس کی سماعت کی۔

نیب پراسیکیوٹر نے مؤقف اختیار کیا کہ نیب ترمیمی آرڈیننس کے بعد بہت سی درخواستیں بریت کے لیے دائر ہوئیں، عدالت نے بھی معاملے پر چیئرمین نیب کو خط لکھا ہوا ہے، امید ہے کہ آئندہ سماعت تک چیزیں کلیئر ہو جائیں گی۔

احتساب عدالت نے آصف زرداری کی آج عدالت میں حاضری سے استثنیٰ کی درخواست منظور کرتے ہوئے سماعت 6 دسمبر تک ملتوی کر دی ۔

قومی خبریں سے مزید