فرمان الہی
نماز کے اوقات
اسپیکر قومی اسمبلی اسد قیصر نے کہا ہے کہ تحریک عدم اعتماد کے معاملے میں رولز کے تحت چلوں گا، اتحادی ساتھ ہیں۔
اسلام آباد میں اسپیکر قومی اسمبلی سے تحریک انصاف کے رہنماؤں سے ملاقات کی، اس دوران اسد قیصر نے کہا کہ وہ پہلے رولز دیکھیں گے جو وہ کہتے ہیں وہی کریں گے۔
انہوں نے مزید کہا کہ اپوزیشن کا ڈراما ساڑھے 3 سال سے چل رہا ہے، صورتحال دیکھ رہے ہیں، انشاء اللہ سب ٹھیک ہی ہوگا۔
ملاقات میں گورنر سندھ عمران اسماعیل، وفاقی وزراء فواد چوہدری اور مراد سعید نے شرکت کی۔
اعلامیے کے مطابق ملاقات میں فرخ حبیب، فیصل جاوید اور سینیٹ میں قائد ایوان شہزاد وسیم سمیت دیگر موجود تھے۔
اس موقع پر اپوزیشن کی تحریک عدم اعتماد پر حکمت عملی سمیت دیگر اہم امور پر تفصیلی غور کیا گیا۔
اعلامیے کے مطابق اس دوران اپوزیشن کی تحریک کو ایوان میں ناکام بنانے کے لیے لائحہ عمل بھی مرتب کیا گیا۔
پی ٹی آئی اعلامیے کے مطابق تحریک انصاف اور اتحادی جماعتیں تحریک عدم اعتماد کو ناکام بنانے کےلیے متحد ہیں۔
اعلامیے کے مطابق اس موقع پر عدم اعتماد کے معاملے پر ارکان اسمبلی سے رابطہ مہم شروع کرنے پر بھی اتفاق کیا گیا۔
