بنی گالہ سیکیورٹی کے حکومتی انتظامات، شہباز گل کا اظہارِ عدم اطمینان

پاکستان تحریک انصاف (پی ٹی آئی) کے سینئر رہنما شہباز گل نے عمران خان کی رہائشگاہ بنی گالہ کے سیکیورٹی انتظامات پر عدم اطمینان کا اظہار کردیا۔

عمران خان کی بنی گالہ رہائشگاہ کے اطراف غیر معمولی سیکیورٹی انتظامات

چیئرمین پاکستان تحریک انصاف (پی ٹی آئی) اور سابق وزیراعظم عمران خان کی رہائشگاہ بنی گالا کے اطراف غیر معمولی سیکیورٹی انتظامات کیے گئے ہیں۔

بنی گالہ اسلام آباد میں میڈیا سے گفتگو میں شہباز گل نے کہا کہ سیکیورٹی انتظامات خود کر رہے ہیں، آپ رانا ثناءاللّٰہ کی دی گئی سیکیورٹی صورتحال دیکھ لیں، یہ سب کے سامنے ہے۔

انہوں نے کہا کہ عمران خان پاکستان کے عوام کے ساتھ کھڑے ہیں اور پوری قوم ہی اُن کی حفاظت کرے گی۔

اس سے قبل میڈیا سے گفتگو میں عثمان ڈار نے کہا تھا کہ رانا ثناءاللّٰہ سن لو، عمران خان ہماری ریڈلائن ہے، یہ کراس نہ کرنا۔

انہوں نے مزید کہا تھا کہ اگر تم نے ریڈلائن کراس کرنے کی کوشش کی تو اگلے پچھلے سارے حساب برابر ہوں گے۔

پی ٹی آئی رہنما نے یہ بھی کہا کہ عوام انہیں وہ سبق سکھائیں گے کہ یہ عمران خان کا نام لینا بھی بھول جائے گا۔