فرمان الہی
نماز کے اوقات
وزیرِ اعلیٰ پنجاب حمزہ شہباز شریف نے بادامی باغ میں پنجاب بار کونسل کے سیکریٹری اشرف راہی کے قتل کا نوٹس لے لیا۔
حمزہ شہباز نے سی سی پی او لاہور سے واقعے کی رپورٹ طلب کرتے ہوئے ملزمان کی جلد گرفتاری کا حکم دے دیا۔
وزیرِ اعلیٰ پنجاب کا کہنا ہے کہ ملزمان کو قانون کی گرفت میں لا کر مزید کارروائی کی جائے، مقتول کے لواحقین کو ہر صورت انصاف فراہم کیا جائے۔
حمزہ شہباز شریف نے مقتول اشرف راہی کے اہلِ خانہ سے دلی ہمدردی و افسوس کا اظہار بھی کیا ہے۔
واضح رہے کہ لاہور میں گزشتہ شب نامعلوم افراد نے فائرنگ کر کے پنجاب بار کونسل کے سیکریٹری اشرف راہی کو قتل کر دیا۔
پولیس کا کہنا ہے کہ اشرف راہی بادامی باغ میں گاڑی میں جا رہے تھے کہ نامعلوم ملزمان کی فائرنگ کا نشانہ بن گئے۔
