وزیراعظم شہباز شریف کے صاحبزادے سلیمان شہباز نے کہا ہے کہ عمران خان کی خام خیالی ہے کہ وہ عوام میں مشہور ہے۔
جیو نیوز کے پروگرام جرگہ میں گفتگو کے دوران سلیمان شہباز نے کہا کہ ہم آئندہ الیکشن میں حصہ لینے کے لیے پُر اعتماد ہیں۔
انہوں نے کہا کہ عمران خان کی خام خیالی ہے کہ وہ عوام میں مشہور ہیں ، الیکشن کا میدان سجے گا تو آٹے دال کا بھاؤ پتا چل جائے گا۔
ن لیگی رہنما نے مزید کہا کہ خان صاحب کو بہت دیر بعد یاد آیا کہ پنجاب میں ڈاکو راج تھا؟ کیونکہ وہ پرویز الہٰی کو ہمیشہ ڈاکو کہتے ہیں۔
جیو نیوز پر پروگرام جرگہ آج شب 10 بج کر 5 منٹ پر نشر کیا گیا۔