جنرل باجوہ کے مبینہ ٹیکس ڈیٹا لیک کا معاملہ، تین ملزمان ریمانڈ پر پولیس کے حوالے

اسلام آباد کی ڈسٹرکٹ اینڈ سیشن عدالت نے سابق آرمی چیف جنرل ریٹائرڈ قمر جاوید باجوہ کے مبینہ ٹیکس ڈیٹا لیک کے کیس میں تینوں ملزمان کو دو روزہ جسمانی ریمانڈ پر ایف آئی اے کے حوالے کردیا۔

اسلام آباد ڈسٹرکٹ اینڈ سیشن کورٹس میں ملزمان شہزاد نیاز، ارشد علی، عدیل اشرف کو اسپیشل مجسٹریٹ عمر شبیر کے روبرو پیش کیا گیا۔

عدالت نے ملزمان کو دو روزہ ریمانڈ پر پولیس کے حوالے کر دیا۔

اسپیشل مجسٹریٹ عمر شبیر کے سامنے تفتیشی افسر نے بتایا کہ ملزم شہزاد نیاز نے دیگر دو شریک ملزمان کو پیسے لے کر ایف بی آر کا ریکارڈ ایک صحافی کو فروخت کیا۔