فرمان الہی
نماز کے اوقات
بھارت کی ریاست آسام میں تیندوے نے حملہ کر کے 15 افراد کو زخمی کر دیا، واقعے کی ویڈیو سامنے آ گئی۔
بھارتی میڈیا کے مطابق گزشتہ 24 گھنٹوں کے دوران تیندوے نے ایک بچی اور خاتون پر بھی حملہ کیا۔
رپورٹس کے مطابق حملے میں زخمی ہونے والوں کا اسپتال میں علاج جاری ہے۔
اس حوالے سے ایک ویڈیو بھی سامنے آئی ہے جس میں دیکھا جاسکتا ہے کہ تیندوا گاڑی میں سوار لوگوں پر بھی حملہ کرنے کی کوشش کرتا ہے تاہم گاڑی کے شیشے بند ہونے کے باعث وہ ایسا نہیں کر پاتا۔
بھارتی میڈیا کے مطابق مقامی حکام نے عوام سے اپیل کی ہے کہ وہ اپنے گھروں سے غیر ضروری طور پر باہر نہ نکلیں، چیتے کو پکڑنے کی کوششیں کی جا رہی ہیں۔
