• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کم آمدن والوں کیلئے پیٹرول پر 50 روپے فی لیٹر تک ریلیف دینے کی ہدایت

تازہ ترین
قومی خبریں
19 مارچ ، 2023
فوٹو فائل
فوٹو فائل

وزیراعظم شہباز شریف نے کم آمدن والے طبقے کےلیے 50 روپے فی لیٹر تک پیٹرولیم ریلیف پیکیج تیار کرنے کی ہدایت کردی۔

 وزیراعظم کی زیر صدارت اجلاس میں کم آمدن غریب عوام کےلیے 50 روپے فی لیٹر تک پیٹرولیم ریلیف پیکیج پر غور کیا گیا ہے۔

شہباز شریف نے ہدایت کی کہ پیٹرولیم سبسڈی میں موٹر سائیکل، رکشے کے علاوہ 800 سی سی سمیت دیگر چھوٹی گاڑیاں استعمال کرنے والے تمام کم آمدن صارفین کو شامل کیا جائے۔

وزیراعظم نے ہدایت کی کہ پیٹرولیم سبسڈی کا عملی پروگرام جلد از جلد مکمل کیا جائے، متعلقہ ادارے جامع حکمت عملی مرتب کریں۔

شہباز شریف نے کہا کہ موٹر سائیکل رکشہ اور چھوٹی گاڑیاں کم آمدن عوام کی سواری ہے، پیٹرولیم سبسڈی براہ راست غریب عوام کے ریلیف کا باعث بنے گی۔

قومی خبریں سے مزید