فرمان الہی
نماز کے اوقات
سوشل میڈیا کے تقریباً سب ہی پیلٹ فارمز پر اس وقت ایک خوفناک ویڈیو وائرل ہے جسے دیکھ کر انٹرنیٹ صارفین دنگ رہ گئے ہیں۔
اس ویڈیو کے مطابق ذرا سی لاپرواہی کے باعث چین میں ایک فیملی کے ساتھ خوفناک حادثہ پیش آیا۔
ملینیئرز ٹریولز نامی سوشل میڈیا پیج کے مطابق اس ویڈیو میں نظر آنے والی خاتون پر گاڑی سے باہر نکلنے کے بعد شیر نے حملہ کردیا۔
ویڈیو میں دیکھا جا سکتا ہے کہ خاتون گاڑی کی ایک جانب سے دوسری جانب پہنچ کر کھڑی ہی ہوتی ہے کہ اچانک ایک شیر آ کر اُسے گھسیٹتا ہوا جھاڑیوں میں لے جاتا ہے۔
یہ منظر دیکھ کر ناصرف خاتون کا شوہر بلکہ بیٹا بھی اُس کی جان بچانے کے لیے گاڑی سے باہر نکل کر اُس کے پیچھے بھاگتے ہیں۔
بعد ازاں خاتون کی جان بچی یا نہیں اس سے متعلق تو کچھ نہیں کہا جا سکتا مگر یہ ویڈیو وائرل ہونے پر انٹرنیٹ صارفین کا کہنا ہے کہ ایسی لاپرواہی کرتے ہوئے لوگوں کو کئی بار سوچنا چاہیے۔
