فرمان الہی
نماز کے اوقات
غزہ ، کراچی (اے ایف پی، نیوز ڈیسک) اسرائیلی افواج کی جانب سے غزہ کے اسپتالوں پر مسلط کی گئی جنگ کا دائرہ مزید وسیع ہوگیا، صیہونی فوج نے غزہ میں انڈونیشین اسپتال پر بھی بمباری کردی جس کے نتیجے میں ڈاکٹروں سمیت 14 فلسطینی شہید ہوگئے ، اسرائیلی فوج کے ٹینکوں نے اسپتال کو گھیرے میں لے لیا ، اطراف میں شدید بمباری ، اسپتال کا جنریٹر بھی بند کر دیا گیا ہے،شمالی غزہ میں یہ آخری فعال اسپتال بچا تھا، میڈیا رپورٹس کے مطابق اسرائیلی افواج وہی کچھ دہرانے والی ہیں جو الشفا اسپتال میں ہوا، ، حماس حکومت کے مطابق غزہ میں اسرائیلی حملوں میں شہید فلسطینیوں کی تعداد 13ہزار 300ہوگئی ہے جن میں 5600بچے اور 3550خواتین شامل ہیں، بمباری میں 31ہزار سے زائد فلسطینی زخمی ہوچکے ہیں،اقوام متحدہ کے سربراہ انتونیو گوتیرس کا کہنا ہے کہ 2017 میں عہدہ سنبھالنے کے بعد سےانہوں نے شہریوں کا اتنے بڑے پیمانےپر قتل عام نہیں دیکھا جتنی ہلاکتیں غزہ میں جاری اسرائیلی بمباری کے دوران ہوئی ہیں ، امریکی صدر جو بائیڈن نے کہا کہ ان کا خیال ہے کہ غزہ میں قیدیوں کی رہائی کا معاہدہ قریب ہے، انہیں امید ہے کہ قطر کی ثالثی میں کچھ اسیروں کی رہائی کے لئے لڑائی میں وقفے کے بدلے میں کچھ قیدیوں کو رہا کیا جائے گا، چین کے سرکاری میڈیا کا کہنا ہے کہ چینی صدر شی جن پنگ اور فرانسیسی ہم منصب ایمانوئل میکرون نے پیر کے روز ایک فون کال میں اسرائیل اور حماس کی جنگ پر تبادلہ خیال کرتے ہوئےانسانی بحران کو مزید سنگین ہونے سے بچانے پر اتفاق کیا۔
