فرمان الہی
نماز کے اوقات
کراچی میں 8 سالہ بچے کا قاتل اس کا اپنا کزن نکلا۔ 16 سالہ ملزم سفیان کا کہنا ہے کہ مقتول ابان اپنے والد سے اس کی شکایتیں کرتا تھا جس کی بنا پر اسے ڈانٹ پڑتی تھی اور اسے اس بات پر بہت غصہ تھا۔ پولیس نے آلہ قتل بھی برآمد کرلیا۔
سینئر سپرنٹنڈنٹ آف پولیس (ایس ایس پی) ضلع وسطی ذیشان صدیقی کا کہنا ہے کہ ملزم سفیان کو گرفتار کرکے آلہ قتل بھی برآمد کیا گیا ہے، گرفتار ملزم کی عمر 16 سال ہے۔
ایس ایس پی سینٹرل کا کہنا ہے کہ ملزم مقتول ابان کا کزن ہے اور ان کے ساتھ ہی رہتا ہے، ملزم کا کہنا ہے کہ ابان اپنے والد کو شکایتیں کرتا تھا جس کے باعث اسے ڈانٹ پڑتی تھی۔
پولیس نے مزید بتایا کہ گرفتار ملزم سے مزید تحقیقات جاری ہے۔
ملزم سفیان کا کہنا ہے کہ پچھلی گلی سے ابان کو پارک میں لے گیا، دھوبی گھاٹ میں جھاڑیوں کے اندر اسے قتل کردیا، مجھ سے غلطی ہوگئی۔
سفیان کا مزید کہنا ہے کہ مجھے ابان پر غصہ تھا، وہ شکایتیں بہت زیادہ لگاتا تھا، ماموں شکایت کے بعد مجھے ڈانٹے تھے، واقعے کے بعد میں چھری دھوکر کچن میں رکھ دی تھی۔
یاد رہے کہ دو روز قبل فیڈرل بی ایریا میں کارڈیو اسپتال کے قریب جھاڑیوں سے ابان زخمی حالت میں ملا تھا، جس کے بعد اسے عباسی شہید اسپتال منتقل کیا جارہا تھا کہ وہ راستے ہی میں دم توڑ گیا تھا۔
