ابراہیم رئيسی کے ہیلی کاپٹر کو حادثہ پیش آنے سے قبل کیا ہوا؟

ایرانی صدر ابراہیم رئيسی کے ہیلی کاپٹر کو حادثہ پیش آنے سے قبل کی ویڈیو منظر عام پر آگئی۔

خیال رہے کہ ایرانی صدر ابراہیم رئيسی ہیلی کاپٹر حادثے میں شہید ہوگئے ہیں۔

ایرانی سرکاری میڈیا نے دعویٰ کیا تھا کہ صدر ابراہیم رئیسی کا حادثے کا شکار ہیلی کاپٹر کا ملبہ ایک پہاڑی سے تلاش کیا گیا۔

سوشل میڈیا پر وائرل ویڈیو میں ایرانی صدر کے ہیلی کاپٹر کو حادثہ پیش آنے سے قبل کے مناظر دیکھے جاسکتے ہیں۔

مذکوہ ویڈیو میں دیکھا جاسکتا ہے کہ ایرانی صد ابراہیم رئیسی، وزیر خارجہ حسین امیر عبداللہیان، مشرقی آذربائیجان کے گورنر ملک رحمتی اور صوبے میں ایرانی صدر کے نمائندے آیت اللّٰہ محمد علی اسی ہیلی کاپٹر میں سوار تھے، جسے حادثہ پیش آیا۔

ایرانی خبر ایجنسی کے مطابق صدر رئیسی اپنے وفد کے ہمراہ آذربائیجان کے دورے سے واپس آرہے تھے کہ ان کے ہیلی کاپٹر کو خراب موسم کی صورتحال کے باعث حادثہ پیش آیا۔

خیال رہے کہ صدر ابراہیم رئیسی آذربائیجان کے ساتھ ایران کی سرحد پر ڈیم کا افتتاح کرکے واپس آرہے تھے۔