امیر جماعت اسلامی حافظ نعیم الرحمٰن نے لوڈشیڈنگ اور بجلی کے بھاری بلوں کے خلاف اتوار 23 جون کو ملک بھر میں پُر امن احتجاج کا اعلان کر دیا۔
منصورہ لاہور میں پریس کانفرنس کرتے ہوئے انہوں نے کہا کہ بدترین لوڈ شیڈنگ کے دوران لوگوں کے گھروں میں بجلی کے بل نہیں بلکہ بم آرہے ہیں۔
انہوں نے مزید کہا کہ آئی پی پیز کا بوجھ غریب عوام اور صنعتکار برداشت کر رہے ہیں، عوام پیسے خرچ کر رہے ہیں، من پسند لوگ پنپ رہے ہیں۔