• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بانی پی ٹی آئی کا پیغام ہے کہ قوم دسمبر میں الیکشن کیلئے تیار رہے، احمد خان بھچر

تازہ ترین
قومی خبریں
30 جولائی ، 2024
فائل فوٹو
فائل فوٹو

پنجاب اسمبلی میں اپوزیشن لیڈر احمد خان بھچر نے کہا ہے کہ بانی پی ٹی آئی کا پیغام ہے کہ قوم دسمبر میں الیکشن کیلئے تیار رہے۔

لاہور میں میڈیا سے گفتگو کرتے ہوئے احمد خان بھچر نے کہا کہ بانی پی ٹی آئی کہتے ہیں اپنی ذات کے لیے انتقام نہیں لوں گا، ملک کو نقصان پہنچانے والوں کا احتساب ضرور کریں گے۔

 اپوزیشن لیڈر احمد خان بھچر کا کہنا ہے کہ بانی پی ٹی آئی جلسوں کا شیڈول دے رہے ہیں، لاہور میں بھی بہت جلد بڑی تبدیلی آئے گی، 5 اگست سے نئی تحریک شروع ہو گی۔

انہوں نے کہا کہ ڈاکٹر یاسمین راشد کی طبیعت بھی حکومت کی بے حسی کے باعث خراب ہوئی اور عمر سرفراز چیمہ کو میڈیکل کی سہولت دینے سے انکار کر دیا گیا ہے۔

احمد خان بھچر کا کہنا ہے کہ بانی پی ٹی آئی کا بیان توڑ مروڑ کر پیش کیا جا رہا ہے۔

قومی خبریں سے مزید