ادارے بند کرنے کے فیصلے پر عملدرآمد ہورہا ہے، طلال چوہدری

مسلم لیگ (ن) کے سینیٹر اور چیئرمین نجکاری کمیٹی طلال چوہدری نے کہا ہے کہ ادارے بند کرنے کے فیصلوں پر عمل درآمد ہورہا ہے۔

جیو نیوز کے پروگرام کیپٹل ٹاک میں طلال چوہدری نے کہا کہ حکومت کے اچھے اقدام میں قیصر بنگالی صاحب کو اپنا حصہ ڈالنا چاہیے تھا۔

انہوں نے کہا کہ حکومت سنجیدہ ہےکام کررہی ہے، اس وقت تک 6 وزارتیں رائٹ سائزنگ سے گزری ہیں، اس عمل کے تحت جہاں جتنے افسران ضروری ہیں، وہ پورے کرنے ہیں۔

ہم معاشی طور پر ڈیڈ اینڈ پر پہنچ چکے ہیں، ڈاکٹر قیصر بنگالی

ماہر معاشیات ڈاکٹر قیصر بنگالی نے کہا ہے کہ ہم معاشی طور پر ڈیڈ اینڈ پر پہنچ چکے ہیں،حکمران ملکی معیشت ٹھیک کرنے میں سنجیدہ نہیں ہیں۔

ن لیگی سینیٹر نے مزید کہا کہ جن لوگوں نے اپنی پوری زندگی دیانتداری سے اداروں کو دی، ان کو دوسرے اداروں میں لے جانا ہے، اخراجات کم ہوں گے، اب جو فیصلے ہورہے ہیں ان پر عمل درآمد ہوگا۔

ان کا کہنا تھا کہ پہلے 6 اداروں کی رائٹ سائزنگ کے فیصلے نافذ کر دیے گئے ہیں، سیاسی جماعتیں کئی دفعہ ایسے غیرمقبول فیصلے نہیں کرپاتیں۔

طلال چوہدری نے یہ بھی کہا کہ ادارے بند کرنے کے فیصلوں پر عمل درآمد ہو رہا ہے، کہیں کوئی اور بہتری آسکتی ہے تو ہم دوستوں سے مل کر کرنے کو تیار ہیں۔

انہوں نے کہا کہ جس چیز کی ضرورت ہے وہ بنانی ہے، جو بوجھ ہے اسے کم کرنا ہے، وزیراعظم شہباز شریف کا عزم ہے کسی بھی قسم کے دباؤ سے فیصلے واپس نہیں ہوں گے۔

پاکستان اسٹیل، پی آئی اے سیاسی بھرتیوں کی وجہ سے تباہ ہوئے، سینیٹر ہمایوں مہمند

پاکستان تحریک انصاف (پی ٹی آئی) سینیٹر ہمایوں مہمند نے کہا ہے کہ پاکستان اسٹیل اور پاکستان انٹرنیشنل ایئرلائن( پی آئی اے) سیاسی بھرتیوں کی وجہ سے تباہ ہوئے۔

ن لیگی سینیٹر نے کہا کہ کسی ملازم کے ساتھ زیادتی نہیں ہوگی، اُن کے حقوق کا تحفظ کریں گے، کوئی ہڑتال کرے، جنگ کا اعلان کرے جو مرضی کرلے، فیصلے واپس نہیں ہوں گے۔

اُن کا کہنا تھا کہ ساری سیاسی پارٹیوں اور اسٹیک ہولڈرز کو آن بورڈ لینا ہمارا کام ہے، ملازمین کے مراعات کو یقینی بنائیں گے، ان کو کسی اور ادارے میں ایڈجسٹ کیا جاسکتا ہے۔

چیئرمین سینیٹ نجکاری کمیٹی نے کہا کہ ریفارمز تیزی سے کریں گے، یہ واحد حکومت ہوگی جس میں ہر مہینے یہ ہوتا نظر آئے گا، پورے 4 سال میں رائٹ سائزنگ کیوں نہیں کی، نقصان دینے والے ادارے بند کیوں نہیں کیے۔

اگر 9 مئی فالس فلیگ تھا تو بانی اب اسٹیبلشمنٹ سے کیوں بات کرنا چاہتے ہیں، خواجہ آصف

وزیر دفاع نے کہا کہ 9 مئی کو پاکستان کی سالمیت کی ریڈ لائن کراس ہوئی ہے، بانی پی ٹی آئی پہلے بتائیں نو مئی، مذاکرات اور الیکشن پر کیا مؤقف ہے؟

انہوں نے کہا کہ پی ٹی آئی کو آن بورڈ لے سکتے ہیں، این آر او نہیں دے سکتے، سوال یہ ہے کہ عمران خان کی حکومت نے پونے 4 سال میں آئی پی پیز کو باہر کیوں نہیں پھینکا؟

طلال چوہدری نے کہا کہ کے پی میں کوئی ریفارم دکھادیں، اس حکومت میں ریفارمز اور ری اسٹرکچرنگ ہوتے ہوئے نظر آئے گا، سمیڈا کی ضرورت تھی، اس کو ریفارم کرکے ایسا کریں گے کہ وہ کام کریں، یوٹیلیٹی اسٹوز کی ضرورت نہیں تھی۔