اسرائیل کے لبنان پر فضائی حملے، شہریوں کو علاقے خالی کرنے کیلئے دو گھنٹے کی مہلت

اسرائیل نے لبنان پر فضائی جنگ کا آغاز کردیا اور شہریوں کو علاقے خالی کرنے کیلئے دو گھنٹے کی مہلت دے دی۔

عرب میڈیا نے اسرائیلی فوج کے ترجمان کے حوالے سے رپورٹ کیا کہ اسرائیلی فورسز نے لبنان پر فضائی جنگ کا آغاز کردیا ہے۔

ترجمان اسرائیلی فورسز کے مطابق لبنان بھر میں حزب اللّٰہ کی تنصیبات کو نشانہ بنایا جائے گا، وادی بقاع میں عسکریت پسند تنظیم کے اسٹریٹیجک ہتھیاروں پر بمباری ہوگی۔

اسرائیل اور لبنانی مزاحمتی تحریک حزب اللّٰہ کی جنگ کا دائرہ مزید پھیل گیا

حزب اللّٰہ کا کہنا ہے کہ واکی ٹاکی اور پیجر حملوں پر یہ ابتدائی ردِعمل ہے۔

ترجمان نے لبنان کے شہریوں سے کہا ہے کہ وہ 2 گھنٹے تک علاقے خالی کردیں، حزب اللّٰہ کے ہتھیاروں، راکٹوں، ڈرون طیاروں کے گوداموں کو نشانہ بنایا جائے گا۔

عرب میڈیا رپورٹس کے مطابق جنوبی لبنانی علاقوں اور شہروں سے نقل مکانی شروع ہوگئی ہے، جس کے باعث سڑکوں پر گاڑیوں کی لمبی قطاریں لگی ہیں۔

یحییٰ سنوار نے حسن نصر اللّٰہ کو بھیجے گئے تاریخی خط میں کیا کہا؟

فلسطین کی مزاحمت جماعت حماس کے نئے سربراہ یحییٰ سنوار نے لبنانی عسکریت پسند گروپ حسن نصر اللّٰہ کو تاریخی خط لکھا ہے۔

اس سے قبل اسرائیلی فوج نے جنوبی لبنان کے رہائشی علاقوں میں بڑے حملے کیے، جن میں جاں بحق ہونے والے افراد کی تعداد 182 ہوچکی ہے۔

لبنانی وزارت صحت نے جاں بحق افراد کی تعداد کی تصدیق کی اور کہا کہ اسرائیلی فضائی حملے میں 727 افراد زخمی ہوئے ہیں۔