• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پنجاب کے 8 شہروں میں 3 دن کیلئے سیاسی اجتماعات اور دھرنے پر پابندی

اعظم ملک
تازہ ترین
قومی خبریں
10 اکتوبر ، 2024
پنجاب کے 8 شہروں میں 3 دن کیلئے سیاسی اجتماعات اور دھرنے پر پابندی

پنجاب کے 8 شہروں میں 3 دن کیلئے دفعہ 144 کے تحت سیاسی اجتماعات، دھرنے اور جلسے پر پابندی عائد کر دی گئی ہے۔ 

لاہور سے جاری نوٹیفکیشن کے مطابق پابندی کا اطلاق جمعرات 10 اکتوبر سے ہفتہ 12 اکتوبر تک ہو گا۔ 

نوٹیفکیشن کے مطابق ملتان، ساہیوال، سرگودھا، گوجرانوالہ، وہاڑی، پاکپتن، اوکاڑہ اور وزیر آباد میں 3 روز کیلئے اجتماعات، دھرنے، جلسے اور مظاہرے پر پابندی ہوگی۔

نوٹیفکیشن کے مطابق دفعہ 144 کے تحت پابندی عائد کرنے کا فیصلہ متعلقہ ضلعی انتظامیہ کی درخواست پر کیا گیا۔ سکیورٹی خطرات کے باعث کوئی بھی عوامی اجتماع دہشت گردوں کیلئے سافٹ ٹارگٹ ہو سکتا ہے۔ 

نوٹیفکیشن کے مطابق امن و امان، انسانی جانوں اور املاک کے تحفظ کیلئے احکامات جاری کیے گئے۔

قومی خبریں سے مزید