فرمان الہی
نماز کے اوقات
کراچی(اسٹاف رپورٹر رپورٹر) کورنگی نمبر 6 جلیبی چوک کے قریب ٹریفک حادثے میں 5 سالہ دعا دختر نوشاد جاں بحق ہوگئی،بن قاسم کے علاقے لونی گیٹ کے قریب ٹریفک حادثے میں 42 سالہ محمد عزیز ولد محمد لطیف جاں بحق ہوگیا، نارتھ کراچی 2 منٹ چورنگی فائزہ ہائیٹس کے قریب ٹریفک حادثے میں 30 سالہ سالار جاں بحق ہوگیا، گلستان جوہر انڈر بائی پاس کے قریب ٹریفک حادثے میں 65 سال کا راہگیر جاں بحق ہوگیا، پولیس نے لاش سردخانے منتقل کرادی، علاوہ ازیں منگھوپیر تھانے کی حدود ناردرن بائی پاس ہوٹل کے قریب ندی سے ڈوبی ہوئی تشدد زدہ ہاتھ پاؤں بندھی لاش برآمد ہوئی ، پولیس نے بتایا کہ مقتول کی عمر 30 سے 35 برس کے درمیان ہے اور ابتدائی تفتیش میں معلوم ہوتا ہے کہ مقتول کو نامعلوم ملزمان نے اغوا کے بعد تشددکا نشانہ بنانےکے بعد ہاتھ پاؤں باندھ کر لاش ندی میں پھینک دی ، مقتول کی شناخت نہیں ہوسکی ہے، فشری دھکا نمبر ایک کے قریب لانچ سے ماہی گیر 50 سالہ فرید ولد فضل الحق کی لاش ملی ، کلفٹن عبداللہ شاہ غاز یؒ درگاہ کے قریب فٹ پاتھ سے65 سالہ غلام محمدکی لاش ملی ، اولڈ کلفٹن کے قریب سے 60 سالہ نامعلوم شخص کی لاش ملی، نارتھ کراچی بابا موڑ نرسری کے قریب کچرا کنڈی سے نومولود کی لاش ملی، پولیس نے فلاحی ادارے کے رضاکاروں کے حوالے کردی، صدر ایمپریس مارکیٹ کے قریب فٹ پاتھ سے 60 سالہ نامعلوم شخص کی لاش ملی، برنس روڈ دارالسلام مسجد کے قریب فٹ پاتھ سے 45 سالہ نامعلوم نشے کے عادی شخص کی لاش ملی، گارڈن جمن شاہ درگاہ کے قرب فٹ پاتھ سے 50 سالہ نشے کے عادی شخص کی لاش ملی ، 5 لاشوں کی شناخت نہیں ہوسکی،پولیس نے لاشیں سردخانے منتقل کرادیں ہیں۔
